LAÇIN

Laçın rayonu 1924-cü ildə təsis edilmişdir. Rayonun mərkəzi Laçın şəhəridir.

Laçın rayonu Azərbaycanın cənub-qərbində, yerləşir. Şimaldan Kəlbəcər, şərqdən Xocalı, Şuşa və Xocavənd, cənubdan Qubadlı rayonları, qərbdən isə işğalçı Ermənistan ilə həmsərhəddir.

Dünyada ən nadir ağac sayılan qırmızı dəmirağac meşələri, çoxlu mineral suları, kobalt, civə, qızıl, dəmir, mərmər yataqları, çoxlu dərman bitkiləri və s. vardır.

1992-ci ilin mayında Şuşanın işğalı günü Laçın da güclü top və raket atəşinə məruz qalmışdı. Şuşa işğal olunandan sonra, çox keçmir Laçın da 18 may tarixində ermənilər tərəfindən işğal olundu. Sərvəti talan olunaraq Ermənistana daşındı, mədəniyyət ocaqlarımız, tarixi-memarlıq abidələrimiz dağıdıldı. Lakin ümid edirik ki, Laçının düşmən tapdağından azad olunacağı gün uzaqda deyil.